អ្នកគាំទ្រភាគច្រើន ពិតជាស្គាល់ច្បាស់ ជាក់ជាមិនខាន តារាចម្រៀងស្រី ដែលមានសម្រស់ស្រស់ស្អាត វ័យក្មេង គឺ ពេជ្រ សូលីកា នោះ។ ស្ទើរតែគ្រប់បទ របស់ សូលីកា នៅតែឆក់យក បេះដូងអ្នកគាំទ្ររបស់ខ្លួនជាច្រើន ស្ទើរមិនគួរឲ្យជឿ នេះក៏ព្រោះតែ ទឹកដមសំនៀង និងការដាក់អារម្មណ៍មនោសញ្ចេតនាខ្លាំង នៅក្នុងបទចម្រៀង ដែលខ្លួនបានបកស្រាយ ធ្វើឲ្យគ្រប់គ្នា ស្តាប់ហើយ ស្តាប់ទៀត កាន់តែលង់តាម។ បច្ចុប្បន្ន តារាស្រីរូបនេះ កំពុងសាងក្តីសុខជាមួយគ្រួសារដ៏តូចមួយរបស់ខ្លួន ពិសេស គឺមានកូនប្រុសសំណព្វចិត្តម្នាក់ឈ្មោះ ហង្ស អ៊ារី វ៉េនស្ដេ ។ ទោះបីជា ពេជ្រ សូលីកា មានកូនមួយហើយ ក៏ដោយ ក៏សម្រស់របស់តារារូបនេះនៅតែស្អាតដដែល អមដោយការស្លៀកពាក់ តុបតែងខ្លួន ប្លែកៗ មិនឲ្យដដែលៗឡើយ។
