បុរសម្នាក់ បានរងរបួសធ្ងន់ដាច់ធ្ងន់ដាច់ជើងទាំង២ បន្ទាប់ពីត្រូវបុរសម្នាក់ សង្ស័ យ ស្រ វឹ ង បើករថយន្តកាមរីហាយប្រ៊ីដ
រួមដំណើរជាមួយបុរសម្នាក់ទៀត ធ្វើដំណើរក្នុងល្បឿនលឿន ជ្រុលបុកម៉ូតូពេញទំហឹង ហើយរថយន្តបង្កនៅមិនទាន់អស់ល្បឿន
ក៏បន្តទៅបុករថយន្តស៊េរីទំនើបចំនួនបីគ្រឿងទៀត ដែលចតចោលនៅខាងមុខហាង បណ្តាលឱ្យរងការខូចខាតយ៉ាងដំណំ។
ហេតុការណ៍នេះបានកើតឡើងកាលពីវេលាម៉ោង១១យប់ ថ្ងៃទី២៣ ខែវិច្ឆិកា ឆ្នាំ២០២១ នៅចំណុចខាងជើងស្តុបទន្លេបាសាក់ តាមបណ្តោយផ្លូវ១៦៣ ស្ថិតក្នុងសង្កាត់ទួលស្វាយព្រៃ១ ខណ្ឌបឹងកេងកង រាជធានីភ្នំពេញ។
តាមប្រភពព័ត៌មានពីកន្លែងកើតហេតុ បានឱ្យដឹងថា មុនពេលកើតហេតុ គេបានឃើញបុរសម្នាក់ ជិះម៉ូតូម៉ាកហុងដាឌ្រីមសង់
ពណ៌ខ្មៅ ពាក់ស្លាកលេខ ភ្នំពេញ 1AQ-9563 ធ្វើដំណើរតាមបណ្តោយផ្លូវលេខ១៦៣ ក្នុងទិសដៅពីត្បូងទៅជើង
ខណៈមកដល់ចំណុចកើតហេតុ ស្រាប់តែមានរថយន្តកាមរីហាយប្រ៊ីដ ពណ៌ទឹកប្រាក់ ពាក់ស្លាកលេខ ភ្នំពេញ 2V-7374
បើកបរដោយបុរសម្នាក់ និងមានបុរសម្នាក់ទៀតរួមដំណើរជាមួយ ធ្វើដំណើរតាមបណ្តោយផ្លូវ១៦៣ ក្នុងទិសដៅពីជើងទៅត្បូងក្នុងល្បឿនលឿន
សង្ស័យមានស្ថានភាពស្រវឹងបានបុកម៉ូតូចំពីមុខពេញទំហឹង បណ្តាលឱ្យអ្នកជិះម៉ូតូរងរបួសធ្ងន់ធ្ងរ ដាច់ជើងទាំងសងខាង។
ចំណែករថយន្តបង្កនៅមិនទាន់អស់ល្បឿន ក៏ជ្រុលចង្កូតទៅខាងស្តាំដៃបន្តបុករថយន្តស៊េរីទំនើបចំនួនបីគ្រឿង ដោយមួយគ្រឿងម៉ាកឡិចស៊ីស RX200t ពណ៌ស
ពាក់ស្លាកលេខ ភ្នំពេញ 2BN-9868, រថយន្តឡិចស៊ីស LX 570 ពណ៌ខ្មៅ ពាក់ស្លាកលេខ ភ្នំពេញ 2BM-7272
និងរថយន្តម៉ាក BMW ពណ៌ស ពាក់ស្លាកលេខ កម្ពុជា M. M 2828 ដែលចតនៅខាងមុខហាង បណ្តាលឱ្យរងការខូចខាតយ៉ាងដំណំ។
ក្រោយកើតហេតុ ជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ ចំណែករថយន្តនិងម៉ូតូ រួមទាំងម្ចាស់រថយន្តបង្ក
ត្រូវបានសមត្ថកិច្ចជំនាញការិយាល័យចរាចរណ៍ផ្លូវគោក នៃស្នងការនគរបាលរាជធានីភ្នំពេញ យកទៅរក្សាទុករង់ចាំដោះស្រាយពេលក្រោយ៕
ដោយឡែកពាក់ព័ន្ធរឿងនេះ ម្ចាស់ឡានសេរីទំនើបទាំងបី ដែលរងគ្រោះពីការ បុករះខាងលើ ក៏បានជួយយកអាសា ដល់ជនរងគ្រោះជិះម៉ូតូ
បានអំពាវនាវដល់សប្បុរសជន ក៏ដូចជាអ្នកប្រើប្រាស់បណ្តាញសង្គមហ្វេសបុក ដើម្បីរៃអង្គាសថវិកាជូនដល់បុរស
ដែលជិះម៉ូតូ ត្រូវឡានបុក រងរបួសធ្ងន់ ដែលជើងទាំងពីរអាចនឹងកាត់ចោលផងដែរ ខណៈជីវភាពកំពុងខ្វះខាត ។
ម្ចាស់ឡានរងគ្រោះ ដែលមានគណនេយ្យហ្វេសបុកឈ្មោះថា Moss Onli បានបង្ហោះយ៉ាងដូច្នេះថា៖
យប់មិញគេបុកឡានខ្ញុំទាំង3 និងបុកមនុស្សម្នាក់រងរបួសធ្ងន់ណាស់ គឺអាចនិងកាត់ជេីងទាំងពី ? មេីលទៅគាត់អត់មានលុយទេ
ខ្ញុំសុំបងៗម្នាក់តិចៗ ជួយគាត់ផង ??បងៗអាចផ្ញេីមកខ្ញុំបានណា ខ្ញុំគឺម្ចាស់ឡានដែលគេបុក ?? លុយទទួលបានខ្ញុំនិងយកទៅអោយគាត់ ??
ABA 522 522 522
Khuon Ching Ching
