ដំណឹងសិល្បករអាយ៉ៃជើងចាស់ដ៏ល្បីល្បាញ លោកតា ព្រហ្មម៉ាញ បានដួលសន្លប់ និង ត្រូវបញ្ចូលទៅមន្ទីរពេទ្យសង្គ្រោះបន្ទាន់ភ្លាមៗ
កាលពីយប់ថ្ងៃទី ១៩ ខែមីនា ឆ្នាំ ២០២២ កន្លងទៅ បានធ្វើឱ្យអ្នកស្ថិតក្នុងចង្កោមសិល្បៈជាច្រើនមានក្ដីព្រួយបារម្ភចំពោះសុខភាពរបស់លោកជាខ្លាំង
ក្នុងនោះសូម្បីតែបណ្ដាមហាជន ក៏ដូចជាអ្នកប្រើប្រាស់បណ្ដាញសង្គមហ្វេសប៊ុកជាច្រើនបានជូនពរលោកឱ្យជាសះស្បើយឆាប់ៗ។
តាមការបង្ហើបពីតារាកំប្លែង កាឆយ បានបញ្ជាក់ពីស្ថានភាពជំងឺរបស់លោកតា ព្រហ្មម៉ាញ នៅថ្ងៃទី ២០ខែមីនា ឆ្នាំ ២០២២ ហាក់មិនទាន់បានធូរស្រាលនៅឡើយថា
«សូមកុំឱ្យគាត់កើតអីឱ្យសោះ! គាត់ចាប់ផ្តើម ឈឺ ក្បា ល រ វើ រ វា យ អាណិតមីងណាស់តែម្នាក់ឯង។
ព្រះអើយជួយ» ដែលការបង្ហើបនេះ បានធ្វើឱ្យមហាជនអ្នកគាំទ្រសិល្បករអាយ៉ៃជើងចាស់រូបនេះ កាន់តែកើតក្ដីព្រួយបារម្ភចំពោះសុខភាពរបស់លោកទ្វេដង។
ក្នុងកាលៈទេសៈដ៏លំបាករបស់លោកតា ព្រហ្មម៉ាញ ដែលកំពុងគេងស្ដូកស្ដឹងនៅលើគ្រែអ្នកជំងឺមិនអាចធ្វើអ្វីបាននេះ គេឃើញភរិយារបស់លោក
បាននៅមើលថែទាំស្វាមីយ៉ាងដិតដល់ ទាំងយប់ទាំងថ្ងៃតែម្នាក់ឯង មិនឱ្យឃ្លាតសូម្បីមួយជំហាន។
មិនតែប៉ុណ្ណោះ បើតាមការរៀបរាប់របស់តារាកំប្លែង កាឆយ ដដែល បានធ្វើឱ្យមហាជនអ្នកគាំទ្រកាន់តែរំភើបចិត្ត
ជាមួយនឹងពាក្យសម្ដីប៉ុន្មានឃ្លាដែលអ្នកនាងបានសរសេរបង្ហោះនៅលើហ្វេសប៊ុក
ដោយលើកឡើងថា៖ «ទោះខឹងប៉ុនណា ស្អប់ប៉ុនណាក៏នៅជាប្តី មិនបោះចោល ៤០ ឆ្នំា ហើយរួមទុក្ខរួមសុខជាមួយគ្នា ពេលដែលមានទុក្ខមានតែប្រពន្ធកូននឹងឯង»៕
