តាមរយៈទំព័រហ្វេបុករបស់ អគ្គនាយកដ្ឋានកីឡា Directorate General of Sports – DGSបានបង្ហោះព័ត៌មានដែលមានខ្លឹមសារថា កីឡាការិនី ខាន់ ចេសា បា`ត់`ប`ង់ឱកាសប្រកួតប្រជែងមេដាយ ស៊ីហ្គេម២០២២ដោយសារលើសទម្ងន់
ម្ចាស់មេដាយមាសកីឡាអាស៊ី ២០១៨ និងជាម្ចាស់មេដាយមាស ស៊ីហ្គេម ១០១៩ កីឡាការិនីជឺជិតស៊ូកម្ពុជា ខាន់ ចេសា បានបា`ត់`ប`ង់ឱកាសចូលរួមប្រកួតប្រជែងមេដាយ
ក្នុងស៊ីហ្គេម លើកទី៣១ ឆ្នាំ២០២២ នៅទីក្រុងហាណូយប្រទេសវៀតណាម ដោយសារមិនអាចឆ្លងផុតតំណាក់កាលថ្លឹងទម្ងន់។ ឯកឧត្តម វ៉ាត់ ចម្រើន នាយបេសកកមម្មស៊ីហ្គេមបានគូសបញ្ជាក់ថា
«យោងតាមអនុសាសន៍ណែនាំដ៏ខ្ពង់ខ្ពស់ របស់ឯកឧត្តមបណ្ឌិត ថោង ខុន រដ្ឋមន្រ្តីក្រសួងទេសចរណ៍ ប្រធាន NOCC និងជាប្រធានប្រតិភូកីឡាកម្ពុជា សូមគោរពជម្រាបជូនបងប្អូនជនរួមជាតិទាំងក្នុង និងក្រៅប្រទេសមេត្តាជ្រាបថា
យើងមានការសោកស្តាយយ៉ាងខ្លាំង ចំពោះក`រ`ណីកីឡាការិនី ខាន់ ចេសា ម្ចាស់មេដាយមាស អាស៊ី ២០១៨ និងមេដាយមាស ស៊ីហ្គេម ២០១៩ ដែលមិនអាចឆ្លងកាត់តំណាក់កាលថ្លឹងទម្ងន់បានឡើយ
ដោយសារលើសទម្ងន់កំណត់ ដែលបានចុះឈ្មោះ គឺ៤៨គីឡូក្រាម ប៉ុន្តែនៅពេលថ្លឹងទម្ងន់ ឃើញថាលើសទម្ងន់ ២៤០ក្រាម ដូចនេះ ខាន់ ចេសា មិនត្រូវបានអនុញ្ញាតឲ្យចូលរួមប្រកួតឡើយ
ព្រោះវាផ្ទុយទៅនឹងបទបញ្ជាការប្រកួតរបស់សហព័ន្ធកីឡាជឺជីតស៊ូ (Juitjutsu) អន្តរជាតិ និងបទបញ្ជាបច្ចេកទេសរបស់ SEA Games Technical handbook»។
«គណ:កម្មាធិការជាតិអូឡាំពិកម្ពុជា សូមបងប្អូនជនរួមជាតិយោគយល់ និងអធ្យាស្រ័យខ្ពស់ ហើយបន្តជំរុញ និងលើកទឹកចិត្តដល់កីឡាករ កីឡាការិនីជម្រើសជាតិកម្ពុជាយើងបន្តទៀត នៅក្នុងការប្រកួតស្វែងរកមេដាយជូនជាតិ
ក្នុងស៊ីហ្គេម នៅប្រទេសទេសវៀតណាម នាពេលនេះ»។ ឯកឧត្តម វ៉ាត់ ចម្រើន នាយបេសកកមម្មស៊ីហ្គេម បានបញ្ជាក់បន្ថែម។ គួរបញ្ជាក់ថា
ប្រភេទកីឡាជឺជីតស៊ូ នៅក្នុងព្រឹត្តិការណ៍ណ៍កីឡា ស៊ីហ្គេម លើកទី៣១ នៅប្រទេសវៀតណាម គ្រោងនឹងប្រកួតនៅថ្ងៃទី១៤ដល់ថ្ងៃទី១៥ ខែឧសភា ឆ្នាំ២០២២នេះ ដោយគម្រោងដំបូងមានកីឡាការិនីពីររូបចូលរួមប្រកួត គឺ ខាន់ ចេសា និងម៉ាប់ សុខហួយ៕
