មួយរយៈចុងក្រោយនេះ មហាជនអ្នកគាំទ្រហាក់ចាប់អារម្មណ៍ចំពោះការបង្ហោះ Caption ប្លែកៗរបស់តារាសម្ដែង សុខ សោម៉ាវត្តី ជាខ្លាំង ក្រោយតារាស្រីរូបនេះ
រៀបរាប់នូវពាក្យសម្ដីប្រៀបដូចជាមនុស្សបែកបាក់ស្នេហ៍ កំពុងប្រើជីវិត Single ខណៈក្នុងពិភពសិល្បៈទាំងមូលបានដឹងរួចស្រេចហើយថា នាង និង កំលោះកីឡាករបាល់ទាត់រូបសង្ហា លី វ៉ាហេទ បានសាងស្នេហ៍ជាមួយគ្នាយ៉ាងផ្អែមល្ហែមរាប់ឆ្នាំមកហើយ។
បើទោះមិនបានប្រកាសជាចំហក៏ពិតមែន តែគេដឹងថាចំណងស្នេហ៍របស់ពិធីការិនីរូបស្រស់ សុខ សោម៉ាវត្តី និងបុរសសង្ហាជាកីឡាបាល់ទាត់លោក លី វ៉ាហេទ
បានចែកផ្លូវគ្នាប្រមាណជាកន្លះឆ្នាំហើយ ។ អ្វីដែលចាប់អារម្មណ៍ថ្មីៗនេះគេបានឃើញពិធីការិនីរូបនេះបានងាកមកស្និទ្ធស្នាលជា មួយបុរសរូបសង្ហាម្នាក់ដែលគេសង្ស័យថាជាអ្នកដៃគូថ្មី ។
មានការចាប់អារម្មណ៍ខ្លាំងក្រោយថ្មីៗនេះគេបានឃើញបុរសវ័យកណ្តាលម្នាក់បានបង្ហាញរូបភាពស្និទ្ធស្នាលជាមួយពិធីការិនីរូបស្រស់ សុខ សោម៉ាវត្តី
ដោយបុរសរូបនេះបានដាក់រូបភាពជាមួយ សុខ សោម៉ាវត្តី នៅក្នុង Story ហ្វេសប៊ុករបស់លោកដោយសរសេរថា «With my love sok somavotey love you bestie »។
តាមអត្ថន័យគេជឿជាក់ថាអ្នកទាំងពីរពិតជាមានទំនាក់ទំនងស៊ីជម្រៅមិនធម្មតាឡើយ តែយ៉ាងណាគេមិនទាន់ឃើញ សុខ សោម៉ាវត្តី
បង្ហាញរូបភាពជាមួយបុរសរូបនោះជាសាធារណៈនៅតាមបណ្តាញសង្គមផ្ទាល់ខ្លួនរបស់នាងនៅឡើយទេ ។ បុរសម្នាក់នោះត្រូវបានគេស្គាល់ថាជាម្ចាស់ក្រុមហ៊ុនម្នាក់ដែរ ។
ហាក់ខុសពីមិត្តរួមអាជីពនានាបើទោះចែកផ្លូវគ្នាជាមួយកម្លោះសង្ហាវ័យក្មេង លី វ៉ាហេទ ក៏ពិតមែន តែអ្នកទាំងពីរមិនបានបង្ហោះពាក្យឌីដងនៅតាមបណ្តាញសង្គមហើយរូបភាពផ្អែមល្ហែមកន្លងមកក៏មិនបានលុបដែរ។
មួយវិញទៀត សុខ សោម៉ាវត្តី នៅតែមានភាពស្រស់ស្រាយដដែលហើយ ថែមទាំងងាកមកលេងស្ទីលរថយន្ត ហ្សីបយ៉ាងកាលីពទៀតផង ។
មានហ្វេនៗមិនតិចទេបានសម្តែងការសោកស្តាយព្រោះមិននឹកស្មានថាចំណងស្នេហ៍អ្នកទាំងពីរបានដើរដល់បំបែកបែបនេះសោះ។
អ្វីដែលចាប់អារម្មណ៍ទោះបីមានការសង្ស័យថាអ្នកមេម៉ាយរូបស្រស់ សុខ សោម៉ាវត្តី កំពុងរកបានដៃគូថ្មីក៏ពិតមែន តែថ្មីៗនេះ សុខ សោម៉ាវត្តី បែរ
ជាលើកឡើងថា«ចូលចិត្តសាមញ្ញអញ្ចឹង ចូលចិត្តធម្មជាតិអញ្ចឹង ហើយក៏ទើបតែដឹងថាពេលនៅម្នាក់ឯងមានអារម្មណ៍ថាមានសេរីភាព ចង់ទៅក៏ទៅ ចង់មកក៏មកមិនបាច់ក្រែងចិត្តអ្នកណា»។
ទោះបីជាយ៉ាងនេះក្តីក៏មានការព្រលយថាក្រោយចំណងស្នេហ៍ជាមួយ លី វ៉ាហេទ ប្រេះស្រាំមានបុរសមិនតិចទបានចូលខ្លួនមកស្អំបេះដូង សុខ សោម៉ាវត្តី
ព្រោះដូចដឹងស្រាប់ហើយថាទោះស្ពាយងារជាមេម៉ាយ តែពិធីការិនីរូបនេះមានសម្រស់ស្រស់ខ្ញង់មិនចាញ់តារាស្រករក្រោយទេ ៕
