មហាជនជាច្រើនពិតជាបានស្គាល់ច្បាស់ហើយ កញ្ញា ថន លក្ខិណា នោះ គឺជាតារាសម្តែងស្រីមួយរូប ដ៏លេចធ្លោជាខ្លាំងប្រចាំប្រទេសកម្ពុជាយើង ហើយនាប៉ុន្មានឆ្នាំចុងក្រោយមកនេះ
កញ្ញា មានឱកាសក្តោបបានតំណែងជាពិធីការិនីនៅក្នុងកម្មវិធីលំដាប់ពិភពលោកជាលើកដំបូង ហើយនាងបានអភិវឌ្ឍន៍ខ្លួនក្លាយជាពិធីការិនីដ៏ល្បីល្បាញ ថែមទាំងបានក្តោបបានតំណែងជាពិធីការិនីក្នុងកម្មវិធីធំៗ ជាច្រើន ។
ដោយឡែកកាលពីម្សិលមិញនាថ្ងៃទី៣០ ខែឧសភា ឆ្នាំ ២០២២ កញ្ញា ថន លក្ខិណា បានធ្វើឲ្យបណ្តាអ្នកគាំទ្រនៅលើបណ្តាញសង្គមហ្វេសប៊ុក ផ្ទុះការភ្ញាក់ផ្អើលជាខ្លាំង បន្ទាប់ពីតារាស្រីរូបនេះ បាន
ទម្លាយវីដេអូមួយដែលនាងធ្លាប់បានចូលរួមសម្តែងជាមួយតារាប្រុស Om Akapan ក្នុងរឿង «The Return» ឲ្យប៉ុស្តិ៍ទូរទស្សន៍លេខ ៧ របស់ប្រទេសថៃ
ដែលរឿងនោះបានចាក់បញ្ចំងក្នុងអំឡុងឆ្នាំ ២០១៤ មិនត្រឹមតែប៉ុណ្ណោះ ថន លក្ខិណា អាចប្រើប្រាស់ភាសាថៃបានយ៉ាងល្អថែមទៀតផងដែរ ។
ជាមួយនឹងទេពកោសល្យខាងផ្នែកសិល្បៈ បូករួមទាំងចំណេះដឹងរបស់តារាស្រី ថន លក្ខិណា បានធ្វើឲ្យមហាជនជាច្រើន មានការភ្ញាក់ផ្អើលមិនតិចនោះទេ
ព្រោះថាកន្លងទៅ អ្នកគាំទ្រពុំសូវបានដឹងថានាងធ្លាប់បានចូលរួមសម្តែងខ្សែភាពយន្តឲ្យប្រទេសថៃទាល់តែសោះ ហើយនៅអាចនិយាយភាសាថៃបានយ់ាងរត់មាត់ថែមទៀត ។
សូមជម្រាបផងដែរថា សម្រាប់ខ្សែភាពយន្តរឿង «The Return» គឺជាខ្សែភាពយន្តខ្មោរន្ធត់លងប៉ះសក់មួយ ដោយមានការចូលរួមសម្តែងពីតារាល្បីៗក្នុងតំបន់អាស៊ាន មាន ខ្មែរ ឡាវ ថៃ និង មីយ៉ាន់ម៉ា ។
លើសពីនេះទៅទៀត សម្រាប់រឿងនេះផងដែរ ក៏មានប្លង់មួយចំនួនបានថតនៅក្នុងប្រទេសកម្ពុជាដែរ ដោយកាលនោះ ផលិតករថៃបានជ្រើសរើសខេត្តសៀមរាបជាទីតាំងថត ៕
ចង់មើលរឿងពេញអូន សុំចំណងជើងបានទេអូន ។ សូមទស្សនាវីដេអូដូចខាងក្រោម រឿងពេញ៖
