ល្បីល្បាញនៅលើវិថីសិល្បៈហើយ តារាចម្រៀងស្រីវ័យក្មេង កញ្ញា រ៉េត ស៊ូហ្សាណា ក៏ត្រូវបានមនុស្សជាច្រើនយកចិត្តទុកដាក់
និងតាមដាន គ្រប់សកម្មភាព ជាពិសេស ព្រមទាំងចង់ដឹងពីរឿងរ៉ាវផ្ទាល់ខ្លួនរបស់នាង។
ដោយឡែកថ្មីៗនេះគេបានឃើញតារាចម្រៀង យុវវ័យរូបស្រស់ រ៉េត ស៊ូហ្សាណា រួមជាមួយ សុវត្ថិ មុនីនាគ និងមិត្តភក្តិទៅកម្សាន្តនៅសួនសត្វសាហ្វារីយ៉ាងរីករាយ ។
ភាពស្និទ្ធស្នាលរបស់តារាចម្រៀងយុវវ័យទាំងពីរបានធ្វើឱ្យ ហ្វេនលាន់មាត់សរសើរព្រាតតែម្តង ។
រ៉េត ស៊ូហ្សាណា បានបង្ហាញទឺកមុខរីករាយជាមួយនឹងការថតរូបយ៉ាងស្និទ្ធស្នាលជាមួយកូនប្រុសទីពីររបស់តារាចម្រៀង ព្រាប សុវត្ថិ
រួមនឹងមិត្តភក្តិរបស់នាងហើយក្រៅពីនោះគេក៏បានឃើញវត្តមានអ្នកម្តាយរបស់នាងនៅក្នុងដំណើរកម្សាន្តនេះផងដែរ ។
រូបភាពដ៏ស្រស់ស្អាតរបស់តារាចម្រៀង រ៉េត ស៊ូហ្សាណា និង សុវត្ថិ មុនីនាគ បានធ្វើឱ្យអ្នកគាំទ្រសរសើរថាផ្អែមល្ហែមដូចគូស្នេហ៍មើលទៅសមគ្នាណាស់ ។
គួរបញ្ជាក់ផងដែរថាទោះបីជាទើបប្រឡូកក្នុងសិល្បៈរយៈពេលខ្លីក៏ពិត មែន តែ រ៉េត ស៊ូហ្សាណា និងក្រុមគ្រួសារតារាចម្រៀង ព្រាប សុវត្ថិ ស្និទ្ធស្នាលគ្នាណាស់។
ជាក់ស្តែងនៅក្នុងថ្ងៃរៀបអាពាហ៍ពិពាហ៍ប្អូនស្រីតារាចម្រៀង ព្រាប សុវត្ថិ អញ្ចើញតែ រ៉េត ស៊ូហ្សាណា តែម្នាក់ប៉ុណ្ណោះក្នុងចំណោមតារាចម្រៀងនៅផលិតកម្មហង្សមាសរួមនឹងអ្នកសិល្បៈជិតដិតប៉ុន្មាននាក់ប៉ុណ្ណោះ។
កន្លងមក រ៉េត ស៊ូហ្សាណា និង សុវត្ថិ មុនីនាគ ក៏មានបទចម្រៀងរូមគ្នានឹងទទួលបានការគាំទ្រពីសំណាក់មិត្តយុវវ័យជាច្រើន។
រ៉េត ស៊ូហ្សាណា ជាតារាចម្រៀងដែលមានទីផ្សារការងារខ្ពស់មិនចាញ់តារារៀមច្បងប៉ុន្មានឡើយ ។ក្រៅពីតារាចម្រៀងនាងក៏ក្តោបបានស្ប៉តពាណិជ្ជកម្មធំជាច្រើនក្នុងតម្លៃខ្ពស់ខ្ពស់មិនធម្មតាដែរ ។
អ្វីដែលគួរឱ្យសរសើរចាប់តាំងពីចូលប្រឡូកក្នុងសិល្បៈមកតារាវ័យក្មេងរូបនេះមិនដែលពើបប្រទះនូវរឿងអាស្រូវស្នេហាទេ
ភាគច្រើនាងទៅណាមកណាដោយមាន អ្នកម្តាយ និងបងស្រីរួមដំណើរជាហេតុធ្វើឱ្យបុរសៗពិបាកក្នុងការចូលកៀកតារាចម្រៀងរូបស្រស់ម្នាក់នេះ ៕
