ដូចដែលប្រិយមិត្តអ្នកតាមដានទាំងអស់គ្នា បានទទួលជ្រាបរួចហើយថា លោក ឌួង ឆាយ និងអ្នកនាង ដេត ម៉ាលីណា បានលែងលះគ្នាដាច់ស្រឡះ រហូតមកដល់ពេលនេះ មានរយៈពេលជាង១ឆ្នាំហើយ ហើយឃើញថា សម្រស់អ្នកនាង ដេត ម៉ាលីណា កាន់តែស្អាតជាងមុន បើទោះពេលនេះ មានកូន៣នាក់ហើយក៏ដោយនោះ។ក្នុងនោះដែរ
ជារឿយៗ គេសង្កេតឃើញថា អ្នកនាង ដេត ម៉ាលីណា តែងតែបង្ហោះរូបថតដ៏ស្រស់ស្អាតរបស់ខ្លួននៅលើទំព័រហ្វេសប៊ុក ជាមួយនឹងភ្ជាប់សារដ៏ទាក់ទាញជាច្រើន
ធ្វើឲ្យមានការលើកសរសើរជារឿយៗពីរូបសម្រស់របស់នាងនោះ។ដោយឡែក កន្លងមក អ្នកនាង ដេត ម៉ាលីណា បានបង្ហោះរូបថតជាច្រើនសន្លឹក ឈរបង្អួតសម្រស់ក្បែររថយន្ត ភ្ជាប់ជាមួយCaptionបែបនេះថា «និយាយដើមខ្ញុំបានខ្ញុំមិនហាមឡើយ
តែកុំនិយាយបំភ្លឺសការពិតអោយសោះ ឈប់ខ្វល់យូរហើយថា អ្នកដទៃមើលមកយើងបែបម៉េច ព្រោះទោះយ៉ាងណាក៏ប្ដូរការគិតរបស់អ្នកណាមិនបានស្រាប់ហើយ»។តាមរយៈរូបថតនេះ ឃើញថា
អ្នកនាង ដេត ម៉ាលីណា សាច់សជាងឡានរបស់ខ្លួនទៅទៀត រហូតអ្នកគាំទ្រឃើញហើយ លាន់មាត់សរសើរថា
«ស្អាតខ្លាំងណាស់បងស្រី, ស្អាតណាស់ចែ, ស្អាតណាស់, ស្អាតម្ល៉េះ, ស្រស់ស្អាតខ្លាំងណាស់ចែ, ស ជាងឡានទៀតបង ស្អាតណាស់»។យ៉ាងណាមិញ បើក្រឡេកទៅមើលការតុបតែងខ្លួនរបស់នាង កាលពីអំឡុងឆ្នាំ២០១៧ ពេលនៅជានា ជាមួយលោក ឌួង ឆាយ ហើយ SOUND CLUBកំពុងដំណើរការនៅឡើយនោះ ឃើញថា អ្នកនាង ដេត ម៉ាលីណា ក៏ស្អាតផងដែរ តែការតុបតែងខ្លួនរបស់នាង ពិសេសទៅលើបបូរមាត់ឃើញថា
មិនដូចបច្ចុប្បន្ននោះឡើយ។គេឃើញថា នាងគូរបបូរមាត់ជាមួយពណ៌ប្លែកដូចជាពណ៌ខៀវ ពណ៌ខ្មៅជាដើម ខណៈមនុស្សស្រីភាគច្រើនគូរពណ៌ក្រហមនោះ រហូតអ្នកគាំទ្រលើកឡើងថា «ស្អាតដូចតុក្កតាចឹងចែ, ស្អាតប្លែកណាស់បង, ស្អាតណាស់អូន, ១៨ មិនដូរចែ,
ព្រះនាង, តែងម៉េចក៏នៅតែស្អាត, ព្រះនាងព្រិលស»។ជុំវិញការគូរបបូរមាត់ មានលក្ខណៈប្លែកពីគេនោះ អ្នកនាង ដេត ម៉ាលីណា លើកឡើងនៅក្នុងកម្មវិធីជជែកកម្សាន្តមួយថា នេះជាចំណង់ចំណូលចិត្តរបស់នាងនៅពេលនោះ ហើយនាងមើលទៅឃើញថាស្អាតផងដែរ ដោយនាងមិនខ្វល់ពីអ្នកដទៃយល់យ៉ាងណានោះទេ សំខាន់ខ្លួនឯងពេញចិត្ត។ ទោះយ៉ាងណា នៅពេលបច្ចុប្បន្ន នាងចាប់ផ្ដើមស្រឡាញ់ពណ៌រាងស្រាលៗវិញហើយ៕
