ពុកម៉ែ បងប្អូន និងអ្នកប្រើប្រាស់នៅក្នុង បណ្តាញសង្គមហ្វេសប៊ុក មិនតិចនាក់ទេ ច្បាស់ជាស្គាល់ ប្រូសូនី ជាក់ជាមិនខាន ហើយក៏ធ្លាប់ជាអតីតគូស្នេហ៍ អ្នកនាង Love Riya ផងដែរ តែដោយសារ ប៉ះសំដីគ្នាញឹកញាប់ ទើបធ្វើឲ្យ អ្នកទំាងពីរសម្រេចចែកផ្លូវគ្នាហើយ ព្រមទំាងរស់នៅ យ៉ាងមានក្តីសុខ រៀងៗគ្នា។
ដោយឡែកពួកក្រោយបែកគ្នា ប៉ុន្មានខែសោះ ពួកគេអាចរកអ្នកថ្មីមកជំនួស បានយ៉ាងប្រសើរ តែ អ្នកនាងLove Riyaក៏បានរកឃើញCrushថ្មីរបស់ខ្លួន ដែលជាលោកប៉ូលិសរូបសង្ហាឈ្មោះ ហេង គីមហៀង ឈានដល់សម្រេចដឹកដៃគ្នាចូលរោងការ កាលពីថ្ងៃទី១៥ ខែធ្នូ ឆ្នាំ២០២១។
នៅពេល អ្នកនាងLove Riya និងលោកប៉ូលិសកំពុងចូលរោងការនោះ ស្រាប់តែប្រភពមួយ បានទម្លាយវីដេអូ លោកដែន សូនី កំពុងអង្គុយលក់ស្បែកជើងតាមចិញ្ចើមផ្លូវ ធ្វើឲ្យអ្នកស្គាល់លោកជាច្រើន មានការចាប់អារម្មណ៍ខ្លាំងណាស់។
ទន្ទឹមនឹងការចាប់អារម្មណ៍នេះ មានអ្នកខ្លះលើកឡើងថា បែកពីអ្នកនាងLove Riyaប្រូសូនីធ្លាក់ខ្លួនទៀតផង។ ទោះយ៉ាងណា, នៅពេលនោះ មានប្រភពខ្លះទៀតអះអាងថា លោកគ្រាន់តែជិះឡានទំនើបមកឈប់ត្រង់កន្លែងលក់ស្បែកជើង ហើយចូលទៅលេងអ្នកលក់ស្បែកជើងប៉ុណ្ណោះ។
ងាកមកអ្នកនាងLove Riyaវិញ ពេលបែកគ្នាភ្លាមៗនោះ ក៏ធ្លាប់លើកឡើងដៀ,លឲ្យលោក ដែន សូនី កប់មាត់ៗថា បែកពីខ្លួនទៅ រកអីហូបគ្មានផងដែរ។ ផ្ទុយពីការលើកឡើងនេះ បច្ចុប្បន្ន លោកដែន សូនី បានខិតខំរកស៊ីខ្លាំងណាស់ ទាំងការលក់ឡាន, ឡាយលក់ផលិតផលតាមអនញឡាញជាច្រើនមុខទៀត។ ក្រៅពីនេះ ក៏ធ្លាប់ឃើញលោក ប្រម៉ូតផលិតផលឲ្យគេ ជាមួយនឹងតារាទីកតុកសុខលីនទៀតផង។
អ្វីជាការចាប់អារម្មណ៍ទៀតនោះ នៅពេលបង្ហាញស្បែករបស់ខ្លួនអាលែកហ្ស៊ី កាលពីពេលថ្មីៗនេះ គេឃើញលោក ដែន សូនី ពាក់ខ្សែកមាសធំៗ តាមស្មានមិនតិចតម្លឹងនោះទេ ខណៈមាសមួយតម្លឹងចូល២ពាន់ដុល្លារជាងទៅហើយ។
លើសពីនេះ លោកក៏បានបង្ហោះវីដេអូ អង្គុយនៅពីមុខដុល្លារទាំងបាច់ៗអមដោយសំឡេងនិយាយពីឥទ្ធិពលនៃលុយនោះ។ តាមរយៈនេះ លោកដែន សូនី ទំនងជាមិនធ្លាក់ខ្លួន ឬអត់អីស៊ី ដូចការលើកឡើងមួយចំនួននោះឡើយ៕
